სამეფო კლუბმა თანაქალაქელი „ატლეტიკო“ დამაჯერებლად დაამარცხა საშინაო კედლებში.

დიეგო სიმეონეს შეგირდებმა სათანადო წინააღმდეგობა ვერ გაუწიეს ანჩელოტის დამოძღვრილებს. შედეგიც სახეზეა, „რეალმა“ 2 უპასუხო გაუტანა მეტოქეს და სატურნირო ცხრილში კიდევ უფრო გაიმყარა პოზიციები.

ნიშანდობლივია, რომ „თეთრები“ უკვე 11 დერბია, რაც დაუმარცხებლად ასპარეზობენ. უკანასკნელად, „როხიბლანკომ“ 2016 წლის თებერვალში, ანტუან გრიზმანის ერთადერთი გოლის წყალობით სძლია „მერენგებს,“ რომლებიც იქედან მოყოლებული, 5 გამარჯვებასა და 6 ფრეს მოითვლიან.

ცნობისთვის, 2000-2013 წლებში, „ატლეტიკო“ მიჯრით 23 შეხვედრაში ვერ ახერხებდა „რეალთან“ გამარჯვების მოპოვებას.

DC