მადრიდის „რეალში“ დიდ იმედებს ამყარებენ ბრაზილიელზე.

ახალგაზრდა შემტევს იტალიელი სპეციალისტი ხშირად აძლევს თავის გამოჩენის საშუალებას. ანჩელოტი დარწმუნებულია როდრიგოს პოტენციალში და მაქსიმალურად ხელს უწყობს შეგირდს.

სამხრეთ ამერიკელს 2025 წლის ზაფხულამდე აკავშირებს მოქმედი კონტრაქტი სამეფო კლუბთან და „სანტიაგო ბერნაბეუზე“ უკვე ფიქრობენ მოთამაშისათვის ახალი პირობების შეთავაზებას.

მიუხედავად არსებული სიტუაციისა, როდრიგოსადმი ინტერესს არა ერთი ევროპული გუნდი გამოხატავს. Daily Mirror-ის ცნობით, „ლივერპული“ მზად არის 80 მილიონი გადაიხადოს მასში, თუმცა ინგლისელების სურვილი რეალობად ვერ იქცევა. „ბლანკოსის“ გეგმებში საერთოდ არ შედის 20 წლის ფეხბურთელთან განშორება.

BD