მადრიდულ დერბიში, სადაც „რეალმა“ დამაჯერებელი ანგარიშით დაამარცხა მეტოქე (2-0), კარიმ ბენზემა შესვენების შემდეგ მოედანზე აღარ გამოჩენილა.

როგორც იცით, პრიმერა დივიზიონის წინა ტურში, „რეალ სოსიედადის“ წინააღმდეგ, ფრანგმა ფეხბურთელმა პირველი ტაიმის დებიუტში კუნთის ტრავმა მიიღო, რის გამოც მატჩის გაგრძელება ვეღარ მოახერხა. მას უქმობა მოუწია „ინტერთან“ პაექრობაშიც, თუმცა „ცხრიანმა“ გამოჯანმრთელება მოასწრო „როხიბლანკოსთან“ დაპირისპირებამდე.

გავრცელებული ინფორმაციით, ბენზემას მხოლოდ 60 წუთით ჰქონდა ექიმებისგან მოედანზე ბურთაობის ნევართვა. მან თანაქელებთან ჯახი სასტარტო შემადგენლობიდან დაიწყო და მე-16 წუთზე, ვინის გადაცემის შემდეგ, შესანიშნავი დარტყმით გახსნა ანგარიში. კარლო ანჩელოტიმ ყოველგვარი რისკისაგან თავის არიდების მიზნით, გუნდის მთავარი მეგოლე, მეორე ტაიმის სტარტზე იოვიჩით ჩაანაცვლა.

კარიმმა თავისი საქმის გაკეთება 45 წუთშიც მოასწრო. განვლილმა პაექრობამ კიდევ ერთხელ გამოაჩინა, თუ რამდენად ღირებული მოთამაშეა ის „რეალისათვის.“