სამეფო კლუბის ფეხბურთელებმა მორიგი მნიშვნელოვანი და პრინციპული გამარჯვება ჩაიწერეს აქტივში. „ატლეტიკოს“ ძლევით (2-0) მოპოვებული 3 ქულის წყალობით, მადრიდელებმა კიდევ უფრო გაიმყარეს პოზიციები სატურნირო ცხრილში.

პრიმერა დივიზიონის საშობა არდადეგებამდე 2 ტურით ადრე, „რეალი“ 42 ქულას მოითვლის. „თეთრები“ 8 ქულით მეორეადგილოსან „სევილიას“ უსწრებენ, 9 ქულით მესამეადგილოსან „ბეტისს,“ ხოლო 13 ქულით მეოთხეადგილოსან „ატლეტიკოს.“

აღსანიშნავია, რომ არსებული მომენტისათვის, „ბარსელონა“ მე-8 პოზიციას სჯერდება. მათსა და დედაქალაქელებს შორის სხვაობა 18 ქულას შეადგენს, რაც ბოლო წლებისთვის ნამდვილად უჩვეულო სანახაობაა.