კარლო ანჩელოტიმ მიგელ გუტიერესი დაივიწყა. იტალიელი სპეციალისტი სეზონის სტარტზე მიგელს უფრო ენდობოდა, თუმცა ფაქტია, რომ ახალგაზრდა მოთამაშე მოედანზე დიდი ხანია არ გამოჩენილა და მინიმალური სათამაშო წუთები აქვს...

მადრიდში ერთხმად თანხმდებიან იმაზე, რომ განაპირა მცველი „კასტილიაში“ აღარ უნდა ასპარეზობდეს და მას ბევრად მაღალ დონეზე შეუძლია თამაში.

არაერთი ჟურნალისტის ცნობით, „რეალი“ მიგელის იჯარით გაშვებაზე მუშაობს და იანვარში ახალგაზრდა, იმედისმომცემმა მადრიდისტამ შესაძლოა ესპანეთის დედაქალაქი დროებით დატოვოს.

გუტიერესის მიმართ ინტერესს ლა ლიგის რამდენიმე კლუბი იჩენს, ასპარეზზე გამოსულნი არიან გერმანიის ბუნდესლიგიდანაც.

თავად ფეხბურთელს მომავალთან დაკავშირებით არანაირი განცხადება არ გაუკეთებია. ასე რომ დაველოდოთ მოვლენების განვითარებას...