მინო რაიოლამ სატელევიზიო ინტერვიუში ერლინგ ჰოლანდის შესახებ ისაუბრა, რასაც დიდი გამოხმაურება მოჰყვა, შემდეგ კი ცნობილმა აგენტმა დამატებითი განმარტება გააკეთა...

„მსურს დამატებითი განმარტება გავაკეთო იმ ინტერვიუსთან დაკავშირებით, რომელიც რამდენიმე დღის წინ ჩავწერე. რთულია ავხსნა, რა სიტუაციაა ჰოლანდის ირგვლივ. ნორვეგიელი ამ ეტაპზე მხოლოდ სეზონის წარმატებით დასრულებაზე ფიქრობს. ოფიციალური მოლაპარაკებები არცერთ კლუბთან არ მიმდინარეობს, რადგან ამის დრო რა არის, თუმცა მსურველთა რიცხვი ნამდვილად იმატებს.“

„„რეალი“ არის კლუბი, რომელიც ინტერესდება ახალგაზრდა ფორვარდით ინტერესდება და არ გამოვრიცხავ, შეთანხმებაც შედგეს, თუმცა როგორც ადრე აღვნიშნე, მადრიდული გრანდის გარდა ასპარეზზე „ბარსელონა“, მანჩესტერ „სიტი“ და „ბაიერნიც“ არიან სხვა გუნდებთან ერთად.“

„მე არ ვიცი, რა მოხდება 2022 წლის ზაფხულში, არც ის ვიცი, წავა თუ არა ჰოლანდი გერმანიიდან. მოდით, ყველა ერთად დაველოდოთ გაზაფხულს და მოვლენების შესაძლო განვითარებას.“