დიეგო სიმეონემ „რეალთან“ დაპირისპირები წინ პრესკონფერენცია გამართა...

„„რეალი“ მადრიდულ დერბის ფორმის პიკში ხვდება. ჩვენ ვიცით, რომ როგორც დაცვაში, ასევე თავდასხმაში ძალიან მაღალ დონეზე ასპარეზობა გვმართებს. პირობას ვდებ, თუ გავიმარჯვებთ, ჩემპიონობისთვის ბრძოლას შევძლებთ, სხვა შედეგის შემთხვევაში კი სიტუაცია გართულდება.“

„ლა ლიგა ამ მატჩით არ დასრულდება, ეს იქნება კონკურენტუნარიანი ტურნირი ბოლო დაპირისპირებამდე, თუმცა ყოველთვის ენიჭებს მნიშვნელობა ქულებს, რომლებიც გუნდებს აქვთ მოპოვებული.“

„ვინისიუსის გაჩერება მარტივი არ იქნება, თუმცა მარკოს ლორენტეს იმედი მაქვს. ის საკმაოდ სწრაფია და იცის, როგორ ითამაშოს ბრაზილიელის წინააღმდეგ.“

„სუარესს სერიოზული არაფერი სჭირს. ექიმების რეკომენდაციებს დეტალურად გავეცანი და ვიცი, რომ მისი გამოყენება შემიძლია. ურუგვაელი გუნდთან ერთად იქნება, ხოლო როდის შევა მოედანზე ხვალ გადავწყვეტ.“

„ვინისიუსი „ბლანკოსს“ დიდ დახმარებას უწევს. ვფიქრობ, ბრაზილიელს დიდი მომავალი აქვს, თუმცა ამ ეტაპზე „რეალის“ მთავარი შუქურა კარიმ ბენზემაა, ფრანგი ფეხბურთელის მნიშვნელობა ანჩელოტის გუნდში უდიდესი.“