სამეფო კლუბმა მადრიდულ დერბიმდე დასკვნითი ვარჯიში ჩაატარა.

კარლო ანჩელოტიმ და სამწვრთნელო შტაბმა ფეხბურთელებს საკმაოდ ნიშანდობლივი და პრინციპული შეხვედრის წინ უკანასკნელი დარიგებები მისცეს. განვლილი სესია გახურებით დაიწყო, ხოლო შემდეგ ძირითადი ყურადღება გამახვილდა ფიზიკურ და ტაქტიკურ სავარჯიშოებზე. მიწურულს, მოთამაშეები კარში დარტყმაზე გაისარჯნენ.

აღსანიშნავია, რომ დანი სებალიოსის გარდა, რომელიც განცალკევებით მუშაობდა, პირველი შემადგენლობის ყველა წევრმა სრული დატვირთვა მიიღო.

„რეალისა“ და „ატლეტიკოს“ დაპირისპირება, კვირას, 23:55 საათზე (თბ. დროით) აიღებს სტარტს.