კვირას, საფეხბურთო სამყაროს მზერა ესპანეთისკენ იქნება მიმართული, სადაც მადრიდული დერბი აიღებს სტარტს.

„რეალი“ და „ატლეტიკო“ ეცდებიან მორიგი უკომპრომისო ბრძოლა შეთავაზონ ერთმანეთს და მატჩის ბოლომდე თავგანწირული თამაშით მოაწონონ თავი გულშემატკივრებს. აღსანიშნავია, რომ გუნდების მრავალწლიანი დაპირისპირების ისტორიაში, „ბლანკოსის“ მხრიდან, ჩატარებული მატჩების რაოდენობით რეკორდსმენი გახლავთ სერხიო რამოსი. ამ უკანასკნელმა 43-ჯერ იასპარეზა „როხიბლანკოს“ წინააღმდეგ. უკანასკნელად, 2020 წლის 12 დეკემბერს, „თეთრებმა“ 2 უპასუხო გოლი გაუტანეს მეტოქეს.

რაც შეეხება უშუალოდ გამარჯვებებს, ამ შემთხვევაში პირველობას არავის უთმობს ლეგენდარული იკერ კასილიასი, რომელმაც კარიერის განმავლობაში 22 პაექრობაში სძლია თანაქალაქელებს.

MARCA