ასენსიო: „ამაზე საუბარი ნაადრევია“
მარკო ასენსიომ ჟურნალისტ იზაბელ ფორნერის კითხვებს უპასუხა.
„მომავალი დაპირისპირება ჩვენთვის მნიშვნელოვანია. სატურნირო ცხრილში კომფორტული სხვაობით ვლიდერობთ, თუმცა არ უნდა დაგვავიწყდეს, რომ სეზონი საკმაოდ გრძელია. მაქსიმალურად ვეცდებით, საკუთარი გულშემატკივრების წინაშე გამარჯვება მოვიპოვოთ. „სანტიაგო ბერნაბეუზე“ ასპარეზობა ყოველთვის განსაკუთრებული გამოცდილებაა.“
„რა თქმა უნდა, ზოგჯერ რთულია, როდესაც თამაში არ გიწევს, მაგრამ მკაფიო მიზანი მაქვს. ვცდილობ, მწვრთნელისგან მონიჭებული წუთები ნაყოფიერად გამოვიყენო.“
„მინდა, რაც შეიძლება მეტი დრო გავატარო მწვანე მინდორზე. ამაზე ვარ ფოკუსირებული და ამისთვის თავდაუზოგავად ვმუშაობ.“
„შემადგენლობაში ძალიან კარგი განწყობაა, ვინაიდან გუნდი მოწოდების სიმაღლეზეა. თამაშიდან თამაშამდე ჩვენი ასპარეზობა უმჯობესდება. საჭიროა ასეთი დინამიკის შენარჩუნება.“
„ვნახოთ, ითამაშებს თუ არა სუარესი, მაგრამ „ატლეტიკოს“ შემადგენლობაში არა ერთი კვალიფიციური ფეხბურთელი ირიცხება. ძლიერი კოლექტივის წინააღმდეგ მოგვიწევს შერკინება.“
„11 თვის განმავლობაშო მომიწია უქმობა, რაც მეტად მტკივნეული აღმოჩნდა. სასურველი კონდიციების აღდგენისათვის კი გარკვეული პერიოდია საჭირო. ახლა კომფორტულად ვგრძნობ თავს.“
„მომავალთან დაკავშირებით ვერაფერს გეტყვით, ჯერ ნაადრევია ამაზე საუბარი. მინდა საუკეთესო დონეს მივაღწია. ვნახოთ, რა იქნება მომავალში.“
BD
- 9 დეკემბერი 2021
- 1 491
- 25