2018 წლის 26 მაისს, როდესაც მარსელომ კიევში გამართულ ჩემპიონთა ლიგის ფინალში მიიღო მონაწილეობა, ვერავინ წარმოიდგენდა, რომ განაპირა მცველი ადგილს დაკარგავდა „რეალის“ სასტარტო თერთმეტეულში.

მარსელო მიმდინარე ფორმაციის სამეფო კლუბის კაპიტანია, თუმცა ეს წოდება მხოლოდ სიმბოლურ ხასიათს ატარებს ფეხბურთელისათვის, ვინაიდან საშუალება არ ეძლევა მოედანზე ატაროს ესოდენ რთული პასუხისმგებლობა. წლეულს, სამხრეთ ამერიკელმა მხოლოდ 140 წუთი გაატარა საქმეში, რაც 5 შეხვედრაზეა გადანაწილებული (22 შესაძლებლიდან). განვლილი სეზონების განმავლობაში, მას ჯერ რეგილონმა წაართვა სათამაშო დრო, ხოლო ახლა მენდი არ სწყალობს.

„ბლანკოსის“ ისტორიაში მარსელო მეორე ადგილზეა, არაესპანელი ფეხბურთელების მიერ ჩატარებული შეხვედრების რაოდენობით (533 მატჩი). მას 30 ივნისს ეწურება დედაქალაქურ გრანდში ყოფნის ვადა და დიდი ალბათობით, კარიერას სამშობლოში გააგრძელებს - „ფლუმინენსე“ და „ბოტაფოგო“ ვეტერანი მოთამაშისადმი დიდ ინტერესს გამოხატავენ.