ლუკა მოდრიჩმა „ინტერთან“ მატჩის შემდეგ კომენტარი გააკეთა...

„1/8 ფინალში მარტივი მეტოქე არ არსებობს, მაგრამ ჩვენ აქცენტი მაინც პირველ ადგილზე გასვლაზე გავაკეთეთ, ვინაიდან ყველაფერი შედარებითია. ჯგუფურ ეტაპზე მეორე ადგილზე გასულ გუნდებთან მეტი შანსი გვექნება.“

„თავს ისე ვგრძნობ, როგორც 30 წლამდე ვგრძნობდი. ასაკს არ უნდა უყურო, მთავარი ის არის, რას აკეთებ მოედანზე.“

„„ინტერი“ ხშირად ცდილობდა ბურთის გაკონტროლებას, ჩვენ კი კონტრ-შეტევებზე აქტიურად ვასპარეზობდით. მწვრთნელის დავალებებს იდეალურად გავართვით თავი და გავიმარჯვეთ.“

„მილიტაოს და ბარელას მომენტი ფეხბურთში ხშირად ხდება ხოლმე. სიტუაცია „გახურებული“ იყო, სწორედ ამიტომ დაფიქსირდა მსგავსი ფაქტი.“

„ბერნაბეუზე შეკრებილი პუბლიკა ყოველთვის მხარს გვიჭერს და ეს ჩვენ დიდ დახმარებას გვიწევს.“