კარლო ანჩელოტიმ „ინტერთან“ მატჩისთვის მზადება უკვე დაიწყო...

დღეს საწვრთნელ ბაზაზე გუნდი 3 საათზე შეიკრიბა და სესია დაიწყო. მოთამაშეები, რომლებიც „სოსიედადთან“ სასტარტოში იყვნენ აღდგენით პროცესს გადიოდნენ, დანარჩენებმა კი სრულფასოვანი დატვირთვა მიიღეს.

ვარჯიშზე ყურადღება დაეთმო ტაქტიკურ მონახაზებს, ბურთის ფლობის კომპონენტს, მოკლე სივრცეში ზუსტ და კომბინაციურ თამაშს და ფიზიკური კონდიციების გაუმჯობესებას.

კარიმ ბენზემა ბაზაზე საერთოდ არ გამოჩენილა.

მეკარეები გოლკიპერთა მწვრთნელთან ერთად ირჯებოდნენ, შემდეგ კი გუნდს შეუერთდნენ.

ბეილი გუნდთან ერთად იმყოფება, თუმცა ყველა დავალებას ვერ ასრულებს.

დანი სებალიოსი მწვანე მინდორზე გამოჩნდა, თუმცა ის გუნდურ დავალებებში მონაწილეობას არ იღებს და ინდივიდუალური პროგრამა აქვს.

ხვალ „მერენგები“ დასკვნით სესიას ჩაატარებენ.