რობერტ ლევანდოვსკის „ბაიერნის“ დატოვება გადაწყვეტილი აქვს. ამ ინფორმაციას უკვე ძალიან ბევრი ავტორიტეტული გამოცემა ავრცელებს. საქმეში ჩართულები არიან ანალიტიკოსები და ჟურნალისტებიც, რომლებიც ერთხმად იუწყებიან, რომ პოლონელს მადრიდში თამაში სურს...

რამდენიმე დღინ წინ გავრცელებული ინფორმაციის მიხედვით, პოლონელმა ფორვარდმა საკუთარ აგენტს „რეალთან“ მოლაპარაკებების დაწყება სთხოვა.

ახალი ინფორმაციით, „ბლანკოსსა“ და პინი ზაჰავის შორის აუდიენცია შედგა და იანვარში მხარეებმა შესაძლოა გარკვეული დეტალები შეათანხმონ კიდეც.

„რეალი“ ლევანდოვსკისთვის 1 წლიან კონტრაქტს ამზადებს, პოლონელს კი 2 წლიანი ხელშეკრულება, ან 1+1 ფორმატი სურს, რაც მსჯელობის საგანია.

ესპანური გამოცემის ცნობით, რობერტი „რეალთან“ ყველაზე ახლოს არის.