მადრიდის „რეალი“, კატალონიის „ბარსელონა“ და „ბილბაოს ატლეტიკი“ ერთობლივ ოფიციალურ განცხადებას ავრცელებენ. ტრიო ქვეყნის ჩემპიონატის მონაწილე სხვა კლუბებსა და ესპანეთის ფეხბურთის ფედერაციის ხელმძღვანელებას მიმართავს, ასლი კი სპორტისა და კულტურის სამინისტროს, სპორტის უზენაეს სასამართლოს უგზავნიან...

„უპირველეს ყოვლისა, გვინდა გავიმეოროთ, რომ სრულად ვაცნობიერებთ ფინანსურ სირთულეებს, რომელსაც ესპანეთის საფეხბურთო სექტორი განიცდის. Covid-ის პანდემიამ მკვეთრად იმოქმედა ჩვენს საქმიანობაზე, გვაიძულა დაგვეხურა სტადიონები და განვიცადეთ ჩვენი შემოსავლის უპრეცედენტო შემცირება, საიდანაც ჯერ არ გამოვსულვართ.“

„ამ მიზეზით, ჩვენ დარწმუნებულები ვართ, რომ ესპანურ ფეხბურთს სჭირდება რაციონალური და მდგრადი ფინანსური გადაწყვეტა, რომელიც ყველას საშუალებას მოგვცემს დავიბრუნოთ ნორმალური სიტუაცია და მომავალს ოპტიმიზმით შევხედოთ. ამ წერილში ჩვენ გთავაზობთ იმას, რაც მიგვაჩნია საუკეთესო გამოსავალად.
პირველ რიგში, ასევე გვინდა შეგახსენოთ, რომ ჩვენი კლუბები, თქვენთან ერთად, დაუღალავად გეხმარებოდნენ 1929 წლიდან მოყოლებული ლა ლიგის ისტორიის წერაში, რომელიც დღეს მსოფლიოში ერთ-ერთი მთავარი სპორტული შეჯიბრია. ჩვენი ერთგულება კონკურენციისადმი უდავოა.“

„ახლა, ისტორიის ზუსტად ამ მომენტში, როდესაც გლობალური ფინანსური ბაზრები გვთავაზობენ უნიკალურ შესაძლებლობებს გრძელვადიანი პროექტების მდგრადი გზით დასაფინანსებლად, ჩვენ ვალდებულნი ვართ, წინააღმდეგობა გავუწიოთ ოპერაციას, როგორიცაა ლა ლიგის მიერ მხარდაჭერილი CVC-ს პროექტი, რომელიც, ეკონომიკურ დონეზე დაამძიმებს ჩვენი ფეხბურთის მომავალს.“

„CVC არც ესპანური ფეხბურთის სტრატეგიულ პარტნიორად ითვლება და არც ფინანსურ ინვესტორად. ამის დასტურია ის, რომ CVC, რომელსაც ჰყავს ფინანსური აღმასრულებლების მცირე ჯგუფი, ერევა ჩვენი ეკონომიკის მრავალ სექტორში, როგორიცაა ენერგეტიკის სექტორი, ტექსტილი, კვების მრეწველობა, ტელეკომუნიკაციები, რესტორნები და ინფრასტრუქტურა და სხვა.“

„მეორე მხრივ, არ უნდა დაგვავიწყდეს, რომ ესპანური კლუბები ამჟამად ქმნიან ერთ-ერთ ყველაზე მნიშვნელოვან სპორტულ შეჯიბრებას მსოფლიოში და შესაბამისად, ჩვენ გვაქვს პრივილეგირებული წვდომა დაფინანსების ძალიან გონივრულ წყაროებზე გლობალურ ფინანსურ ბაზრებზე, ბევრად უფრო მიმზიდველ პირობებში, ვიდრე სარისკო კაპიტალის ფონდების მიერ არის შემოთავაზებული. ჩვენთვის უპასუხისმგებლო იქნება არ გამოვიკვლიოთ რაციონალური და მდგრადი ალტერნატივების მიზანშეწონილობა რაიმე გამოუსწორებელი გადაწყვეტილების მიღებამდე.“

- მდგრადი პროექტი საშუალებას მისცემს ლა ლიგის და პრიმერას RFEF-ის ყველა კლუბს წვდომა მიიღონ იმავე კაპიტალზე, რომელსაც გთავაზობთ CVC, უსაზღვროდ უკეთესი ხარჯებისა და პირობების გათვალისწინებით.

- მდგრადი პროექტი საშუალებას მისცემს ოპერაციის სტრუქტურირებას რეალური და ჯამური ხარჯებით კლუბების სიახლოვეს 2.5%-3.0% წელიწადში და მაქსიმუმ 25 წლის ვადით.

- მდგრადი პროექტის შედარება ლა ლიგის მიერ დაწინაურებული წინადადების პირობებთან , რომელიც CVC ფონდს აქვს მარტივია:

- მდგრადი პროექტის ხანგრძლივობა 25 წელი იქნება, რომლის 2 მილიარდიანი ინვესტიციის სანაცვლოდ საჭირო მხოლოდ 900 მილიონის გადახდა დაფიქსირდება. ეს ტრანზაქცია შეთანხმების გაფორმების პირველივე წელს, დაყოფის გარეშეშედგება.

- კლუბები მიიჩნევენ, რომ ახალი პროექტი ლა ლიგას CVC-ს შეთანხმებაზე 15-ჯერ უფრო იაფი დაუჯდება. ამასთან ერთად, პროექტის პირობები შესაბამის კანონმდებლობასთან სრულ თანხვედრაშია, რასაც CVC-ს ინიციატივაზე ნამდვილად ვერ ვიტყვით.

- კლუბების პირდაპირი საკუთრება აუდიოვიზუალურ უფლებებზე არ ირღვევა, ანალოგიური ვრცელდება მესამე პირის შემთხვევაზეც.

- ფეხბურთის სამყაროს მიღმა არცერთ სუბიექტს არ ეძლევა მონაწილეობის უფლება ლა ლიგის მართვაში.

- ჩვენ თქვენს განკარგულებაში ვდებთ ჩვენს გამოცდილებას და რესურსებს, რომ ერთად ვიმუშაოთ, განვახორციელოთ მდგრადი პროექტი ან ნებისმიერი სხვა ოპერაცია, რომელიც ეკონომიკურად აზრს იძენს და პატივს სცემს კანონს წარმატებულ დასასრულამდე.

- მოვუწოდებთ დაფიქრდეს ესპანური ფეხბურთის ყველა მხარდამჭერი. აუცილებელია ვიმოქმედოთ საღი აზრით და გამოიკვლიოთ ყველა არსებული ალტერნატივა რათა კლუბებს მიეცეთ საშუალება, რაციონალურად და მდგრადი გზით გადაჭრან თავიანთი ფინანსური პრობლემები.