მადრიდის „რეალის“ ფეხბურთელებმა „ბილბაოსთან“ მომქანცველი დაპირისპირების შემდეგ აღდგენითი ვარჯიში გამართეს. კარლო ანჩელოტის კოლექტივს დასვენების დრო არ აქვს, რადგან 4 დეკემბერს „სოსიედადს“ უნდა ესტუმროს...

ფეხბურთელები, რომლებმაც „ბილბაოსთან“ მატჩი სასტარტოდან დაიწყეს, დღეს განსხვავებული პროგრამით ვარჯიშობდნენ, დანარჩენებმა კი სამწვრთნელო შტაბის დავალებები სრულფასოვნად შეასრულეს.

ანჩელოტიმ ყურადღება დაუთმო ფიზიკურ კონდიციებს, ბურთის ფლობას, პრესინგს და მოკლე სივრცეში ზუსტ თამაშს.

სებალიოსი და ბეილი კვლავ აღდგენით პროცესში არიან.

ხვალ „მერენგები“ კიდევ ერთხელ შეიკრიბებიან და ფინალურ სესიას გამართავენ.

შეგახსენებთ, ბასკური კლუბი „რეალს“ შაბათს, 23:55 საათზე დაუპირისპირდება.