კარლო ანჩელოტიმ „ატლეტიკთან“ მატჩის წინ პრესკონფერენცია გამართა

„მშვიდად ვარ, ვინაიდან ჩემი ფეხბურთელები მიჩვეულნი არიან ბევრი მატჩის ჩატარებას. მათი გამოცდილებიდან გამომდინარე, პრობლემებს არ ვაწყდებით.“

„ბენზემას მე-4 ადგილი დაჯილდოვებაზე? ჩვენ სამართლიანი შეფასება უნდა მივცეთ ყველაფერს. აღნიშნული ჯილდო მესიმ მოიგო, რომელიც დიდებული მოთამაშეა. ინდივიდუალური ტიტულები მნიშვნელოვანია და იმედი ვიქონიოთ, შემდეგ წელს „რეალიდან“ იქნება გამარჯვებული. კარიმს მე-4 ადგილი ერგო. ეს დამატებითი მოტიავაცია იქნება მისთვის, გააგრძელოს თავდაუზოგავი შრომა, რათა მომდევნო წელს მიაღწიოს საწადელ მიზანს.“

„ვინისიუს ნამდვილად აქვს პოტენციალი, რომ „ოქროს ბურთისთვის“ იბრძოლოს. ამასთანავე, ჩვენ გვყავს მოდრიჩი, ბენზემა, კურტუა. „ბლანკოსის“ ნებისმიერ ფეხბურთელს შეუძლია კვარცხლბეკის უმაღლეს საფეხურზე ასვლა.“

„აზარი თავს კარგად გრძნობს, მან სრული დატვირთვით იმუშავა და ხვალ გუნდთან ერთად იქნება. ედენს მხოლოდ გასტროენტერიტი აწუხებდა და არაფერი სხვა. როგორც ედენი, ასევე როდრიგო, აღნიშნული ვირუსის დამარცხების შემდეგ სათანადო ფიზიკურ კონდიციებში არ არიან. სანერვიულო არაფერია.“

„ახალი ფეხბურთელები ზამთრის სატრანსფერო ფანჯარაზე? არა. ვფიქრობ, შემადგენლობა სრულყოფილია, ხოლო თუ ვინმეს ექნება წასვლის სურვილი, მის სტიტუაციას განვიხილავთ. ძირითად აქცენტს ზაფხულში გავაკეთებთ. სიმართლე გითხრათ, დიდად არ მიზიდავს იანვრის სატრანსფერო ფანჯარა.“

„წავიკითხე რომ, „სევილია“ გაბრაზებულია პენალტის არ დანიშვნით. მსაჯმა თერთმეტმეტრიანი ნიშნულისკენ მხოლოდ მაშინ უნდა მიუთითოს, როდესაც ამის რეალური საფუძველი ექნება და არა საეჭვო ეპიზოდების დროს.“

„„ატლეტიკი“ კვალიფიციური მოთამაშეები დაკომპლექტებული კოლექტივია. ისინი საიმედოდ ასპარეზობენ უკანა ხაზში, რისი წყალობითაც საკმაოდ ცოტა გოლს უშვებენ. მარსელინიო ნაყოფიერად ირჯება. ვგონებ, მეტად მომთხოვნი შეხვედრა გველოდება წინ.“

„როტაციას მაშინ მივმართავთ, როდესაც ამის აუცილებლობა დადგება დღის წესრიგში. თუ ფეხბურთელი დაღლილად იგრძნოს თავს, მას შევცვლით, სხვა შემთხვევაში, აზრს ვერ ვხედავ.“

„აზარმა უნდა გააუმჯობესოს სათამაშო ფორმა და რა თქმა უნდა, მეტი დრო მიეცემა მოედანზე. კიდევ ბევრი შეხვედრა გვაქვს ჩასატარებელი.“

„მესის ოქრო? როგორც „რეალის“ მწვრთნელს, გარკვეული წინააღმდეგობა მაქვს. ჩემზე რომ იყოს დამოკიდებული, პირველ ადგილს მივანიჭებდი ბენზემას, მეორეს ვინისიუსს, მესამეს კურტუას, მეოთხეს კაზემიროს, მეხუთეს კროოსს, მეექვსეს კამავინგას და ა.შ. მესის საუკეთესოობა პერსონალური გადაწყვეტილებაა. ჩემთვის ეს კარიმია.“

„ლა ლიგის ფავორიტები? არ ვიცი. ჩვენი მიზანია აღებული კურსის შენარჩუნება. გუნდი დამსახურებულად ლიდერობს სატურნირო ცხრილს 33 ქულით.“

„ვინიმ კარგად იცის მისი პოზიცია გუნდში და კარგად იცნობს მის თანაგუნდელებს. ის თავმდაბალია, არ თვლის, რომ ვარსკვლავია, რაც ერთ-ერთი საუკეთესო თვისებაა.“

„თუ შენ გუნდთან ერთად იგებ ტიტულებს, ცხადია, უკეთესი შანსი გაქვს დაეუფლო „ოქროს ბურთს.“ ეს ნიშანდობლივი ჯილდოა ფეხბურთელებისათვის, მაგრამ მხოლოდ ინდივიდუალური ასპექტით. ბენზემასა და ტიბოს არ უტირიათ იმის გამო, რომ პირველი ადგილი ვერ დაიკავეს.“


BD