მსოფლიო ფეხბურთის ისტორიაში ერთ-ერთმა გამორჩეულმა ფორვარდმა სამუელ ეტო'ომ, გამოცემა AS-თან ინტერვიუ ჩაწერა. კამერუნელმა ვეტერანმა მოთამაშემ „რეალის“ ფეხბურთელებზეც ისაუბრა.

„ობიექტურად, „ოქროს ბურთის“ მოგება ლევანდოვსკიც იმსახურებდა, ბენზემაც, მბაპეც, კანტეც, ჟორჟინიოც, მაგრამ ასეთია ფეხბურთი. ჩვენ პატივი უნდა ვცეთ გამოკითხულთა არჩევანს. ისინი ჩემსავით ფიქრობენ, რომ ლეო მესი საუკეთესოა.“

„ბოლო პერიოდში ბევრს მეკითხებიან ვინისიუსის შესახებ. და ბენზემა? ხშირად რაღაცებს ვერ ვიგებ ფეხბურთში. ბრაზილიელი ძალიან კარგი მოთამაშეა, მაგრამ კარიმი მადრიდელების ლიდერია. ვფიქრობ, ყველაფერს უნდა დაერქვას თავისი სახელი. წავიდა კრიშტიანუ და „ბლანკოსი“ განაგრძობს მოგებას. ვისი წვლილია ამაში, თუ არა ბენზემასი. დღესდღეობით, „ცხრიანი“ მადრიდის ღმერთია. ბავშვები კი უნდა დაელოდნონ თავიანთ მომენტს.“

„ეჭვგარეშეა, რომ თუ ვინისიუსმა მსგავსი ტემპი შეინარჩუნა, სამომავლოდ მაღალ მწვერვალებს დაიპყრობს.“

AS