კარიმ ბენზემა სამეფო კლუბის ისტორიის წერას განაგრძობს.

„სევილიასთან“ დაპირისპირება ფრანგი თავდამსხმელისათვის 577-ე გამოდგა მადრიდული გრანდის მაისურით. ის ხოსე ანტონიო კამაჩოს გაუთანაბრდა და მე-8 პოზიციაზე გადაინაცვლა. ამ მომენტისათვის, „ცხრიანზე“ წინ ისეთი ლეგენდარული მოთამაშეები დგანან, როგორებიც არიან: ხენტო (600), იერო (601), სანტილიანა (645), რამოსი (671), სანჩისი (710), კასილიასი (715) და რაული (741).

ბენზემას „ბლანკოსში“ ყოფნის ვადა 2023 წლის 30 ივნისს ეწურება. მას მიმდინარე სეზონშივე შეუძლია 2 საფეხურით დაწინაურება.