მადრიდელებისა და კატალონიელების დაპირისპირება ღირსეულ ადგილს იკავებს „ოქროს ბურთის“ 65 წლიანი ისტორიის განმავლობაში.

France Football-მა ჯერ კიდევ 1956 წელს დააწესა აღნიშნული ჯილდო წლის საუკეთესო ფეხბურთელისათვის. მას შემდეგ, 64-ჯერ გაიმართა დაჯილდოვების ცერემონია, საიდანაც 23 შემთხვევაში, „რეალის“ ან „ბარსელონას“ მოთამაშე გამოარჩიეს და აღსანიშნავია, რომ 2008 წლის შემდეგ, სხვა კლუბის წევრს არ მოუგია ის.

არსებული მომენტისათვის, „ბლაუგრანა“ მცირე უპირატესობით ლიდერობს, ვინაიდან „ოქროს ბურთმა“ 12-ჯერ აიღო გეზი კატალონიისკენ. სხვადასხვა პერიოდში აღიარების მოპოვება შეძლეს ლუის სუარესმა, კრუიფმა (ორჯერ), სტოიჩკოვმა, რივალდომ, რონალდინიომ და მესიმ (ექვსჯერ).

რაც შეეხება სამეფო გუნდს, „სანტიაგო ბერნაბეუს“ მუზეუმში 11 „ოქროს ბურთი“ ინახება და ამაში წვლილი მიუძღვით: ალფრედო დი სტეფანოს (ორჯერ), რაიმონ კოპას, ფიგუს, რონალდოს, კანავაროს, კრიშტიანუ რონალდუსა (ოთხჯერ) და მოდრიჩს. სამწუხაროდ, ზიდანმა, ოუენმა და კაკამ სხვადასხვა კლუბის მაისურით დაიბევეს პრესტიჟული ტროფეი, ხოლო 1989 წელს, ლეგენდარულმა დი სტეფანომ ფრანგული ჟურნალისგან „სუპერ ოქროს ბურთი“ მიიღო. მაშინ, დიადმა ალფრედომ ისეთი კონკურენტები ჩამოიტოვა უკან, როგორებიც არიან: ბეკენბაუერი, პლატინი, კრუიფი, რუმენიგე და კიგანი.

AS