„რეალისა“ და „სევილიას“ დაპირისპირებაში საინტერესო ციფრები დაფიქსირდა...

დავიწყოთ ბურთის ფლობის მაჩვენებლით, სადაც მადრიდის „რეალს“ მცირე უპირატსობა ჰქონდა და საბოლოო ჯამში 53%-47%-ზე დააფიქსირა.

მადრიდელებმა გოლის გატანა 12-ჯერ სცადეს, აქედან 4-ჯერ ბურთი კარის ჩარჩოში წავიდა, ხოლო 8-ჯერ ასცდა. რაც შეეხება „სევილიას“ ფეხბურთელებს, ამ მხრივ ლოპეტეგის შეგირდებმა 6 ზუსტი და 3 არაზუსტი დარტყმით დაგვამახსოვრეს თავი.

მადრიდულმა გრანდმა საშინაო არენაზე ვერცერთი კუთხური ვერ მოაწოდა, რაც ნიშანდობლივია, ანდალუსიელებმა კი 4-ჯერ სცადეს კუთხურიდან შედეგის მიღწევა.

„ბლანკოსმა“ შეტევა 60-ჯერ წამოიწყო, საიდანაც 33-ჯერ იერიშმა მწვავე ხასიათი მიიღო, „სევილიას“ მაჩვენებელი კი 69/18-ზეა.

საერთო ჯამში კარლიტოს გუნდმა 548 პასი გააკეთა, საიდანაც 489 ზუსტი აღმოჩნდა. ანდალუსიელებმა კი 482 გადაცემიდან 431-ჯერ მიიტანეს ბურთი ადრესატამდე.