დღეს (თბ. დროით 23:30), საფრანგეთის დედაქალაქში „ოქროს ბურთის“ დაჯილდოვების ცერემონია გაიმართება.

France Football-ის მიერ ორგანიზებულ ღონისძიებაზე, 2021 წლის მსოფლიოს საუკეთესო ფეხბურთელს გამოავლენენ. 180 საერთაშორისო ჟურნალისტის გამოკითხვის შედეგად, აღნიშნული ჯილდოზე 30 მოთამაშეა ნომინირებული, რომელთა შორის 2 სამეფო კლუბს წარმოადგენს: ბენზემა, მოდრიჩი, მაჰრეზი, კანტე, ჰალანდი, ბონუჩი, მაუნტი, კეინი, დონრუმა, სტერლინგი, ბარელა, მესი, ბრუნო ფერნანდეში, პედრი, კიელინი, დე ბრუინი, ნეიმარი, რუბენ დიაშ, ლაუტარო მარტინესი, კიაერი, ლევანდოვსკი, ჟორჟინიო, სალაჰი, ასპილიკუეტა, ლუკაკუ, კრიშტიანუ რონალდუ, ხერარდ მორენო, ფოდენი, მბაპე და ლუის სუარესი.

პარალელურად, ფრანგული ჟურნალი დაასახელებს წლის საუკეთესო კარის დარაჯსაც, რომელსაც ლევ იაშინის სახელობის თასი გადაეცემა. „რეალის“ მხრიდან ტიბიო კურტუა იბრძოლებს პირველობისთვის და მისი კონკურენტები იქნებიან: დონარუმა, ედერსონი, კასპერ შმეიხელი, ედუარდ მენდი, კეილორ ნავასი, ემილიანო მარტინესი, ნოიერი, ობლაკი და ჰანდანოვიჩი.