ესპანეთის Primera RFEF მეორე ჯგუფში მე-14 ტურის პაექრობები გაიმართა.

რაულის შეგირდები მიჯრით 4 თამაშის მოგების შემდეგ, სტუმრად, „ლინარესთან“ დამარცხდნენ. მატჩის ერთადერთი გოლი, მოწინააღმდეგემ 79-ე წუთზე გაიტანა. აღსანიშნავია, რომ მადრიდელები მთელი მატჩის განმავლობაში აქტიურობით გამოირჩეოდნენ, თუმცა ღირებული ვერაფერი შექმნეს.

„კასტილიას“ შემადგენლობა განვლილ დაპირისპირებაში: ფუიდასი, სანტოსი, მიგელი (არანდა, 66 '), ხილა, პაბლო რამონი (ხაუმე, 87'), მარვინი (პეტერი, 46 '), დოტორი, ლატასა (გუდიენსენი, 66'), არიბასი, მორანტე (მარიო მარტინი, 78 ') და რაფა მარინი.

ამრიგად, ახალგაზრდა მადრიდისტების ანგარიშზე კვლავ 20 ქულა ირიცხება. ისინი მე-11 პოზიციაზე არიან გამაგრებულნი.