ჩავი ერნანდესის „ბარსელონამ“ „ვილიარეალს“ საკმაოდ მძიმე დაპირისპირება მოუგო და მნიშვნელოვანი 3 ქულა ჩაიწერა აქტივში...

კატალონიელებისთვის ამ გამარჯვებას ორმაგი დატვირთვა ჰქონდა. პირველ რიგში მათ დაამარცხეს საკმაოდ მძიმე მეტოქე, ხოლო მეორე რიგში შანსი აქვთ ლიდერებთან სხვაობა შეამცირონ.

რა შედეგითაც არ უნდა დასრულდეს „რეალისა“ და „სევილიას“ დაპირისპირება, ჩავის გუნდსა და ლიდერებს შორის სხვაობა შემცირდება.

თუ „რეალი“ გაიმარჯვებს, „ბარსელონასთან“ სხვაობა ისევ 10 ქულა იქნება, თუმცა ამ შემთხვევაში კატალონიურ კლუბს „სევილიასთან“ უკვე 5 ქულამდე შეუმცირდება დისტანცია, რაც თავისთავად ძალიან მნიშვნელოვანი ფაქტია.

ყოველივე ზემოაღნიშნულიდან გამომდინარე, შეიძლება ითქვას, რომ ერნანდესის გუნდის მდგომარეობა უმჯობესდება, ამიტომ ანჩელოტის გუნდი ვალდებულია საშინაო დაპირისპირება ანდალუსიურ მეტოქეს მოუგოს და ერთ-ერთ კონკურენტთან მნიშვნელოვანი სხვაობა აღადგინოს.