გარეთ ბეილის აგენტის განცხადებას დიდი გამოხმაურება მოჰყვა.

როგორც იცით, ერთ-ერთ ინტერვიუში, ჯონათან ბარნეტმა „რეალის“ გულშემატკივრებს „ამაზრზენები“ უწოდა. მისი განცხადებით, კლუბის მხარდამჭერები „ცუდად ეპყრობიან“ მის კლიენტს.

ცხადია, საფეხბურთო წარმომადგენლის აღნიშნულმა ფრაზამ მადრიდისტების გაბრაზება გამოიწვია. მადრიდის რეგიონის „რეალის“ ფან-კლუბების ფედერაციამ ოფიციალური წერილი გამოაქვეყნა:

„ჩვენ ვგვინდა უარყოფითი პოზიცია გამოვხატოთ ბარნეტის მიმართ და დავგმოთ მისი სიტყვები, რომელმაც დასძინა, რომ ბეილთან ცუდი დამოკიდებულების გამო, „რეალის“ გულშემატკივრები ამაზრზენები არიან.

ეს არ არის პირველი შემთხვევა, როდესაც აღნიშნული პიროვნება წინააღმდეგობრივ კავშირშია, კლუბთან და ქომაგებთან. შარშან მან განაცხადა: „ზიდანის ქმედება უბრალოდ სირცხვილია. ის არანაირ პატივს არ სცემს გარეთს, რომელსაც ამხელა ღვაწლი მიუძღვის კლუბის წინაშე.“

„რეალში“ მოღვაწეობის პირველ წლებში, გარეთ ბეილს ოქროს ხანა ჰქონდა, როგორც მოედანზე, ასევე მის გარეთ. მოთამაშის ბოლოდროინდელმა ხშირმა ტრარვებმა გაკრვეული მოწყენილობა და დაღლილობა გამოიწვია გულშემატკივრებში. ვფიქრობთ, სხვანაირად ვერც იქნებოდა. მიმდინარე სეზონში, მას ფაქტობრივად არ უასპარეზია „ბლანკოსი“ შემადგენლობაში. განსხვავებული სიტუაციაა ეროვნულ გუნდთან დაკავშირებით, როდესაც სანაკრებო პაუზის დრო მოდის, ის მყისვე დგება მწყობრში, ხოლო მისი დასრულების შედეგ, როგორც წესი, კვლავ დაზიანების რეციდივი იჩენს თავს. უკანასკნელი წლების განმავლობაში, ჩვენ ამ რეალობაში გვიწევს ცხოვრება.

ჩვენ ვერ ვიგებთ რას გულისმოხბს ბარნეტი, როდესაც ამბობს, რომ ქომაგები უპატივცემულოდ ეპყრობიან ფეხბურთელს. ჩვენ გარეთთან შეხება, პრაქტიკულად, არ გვაქვს, ვინადაინ ტრავმირებული ბეილი, საერთოდ არ დადის სტადიონზე.“