ანდალუსიური „სევილიას“ ნახევარმცველმა, პაპუ გომესმა „რეალთან“ დაპირისპირებაზე ისაუბრა...

„უდავოდ შეიძლება ითქვას, რომ მადრიდის „რეალი“ ლა ლიგაში ყველაზე მძიმე მეტოქეა. ანჩელოტის გუნდი ტურნირის ლიდერია და ყველა მატჩში გამარჯვებისთვის იბრძვის.“

„წლევანდელი სეზონი ნამდვილად კარგად დაიწყო და გვჯერა, რომ საჩემპიონო ამბიციები ბოლომდე გაგვყვება. „სევილიას“ „ბლანკოსი“ არაერთხელ დაუმარცხებია და ჩვენი მიზანი ახლაც ეს იქნება.“

„მადრიდული გრანდი შეცდომებს არავის პატიობს, ამიტომ მაქსიმალური ყურადღებით თამაში გვმართებს.“

„ფეხბურთელების გამორჩევა სწორი არ იქნება. ანჩელოტის ჰყავს ვინისიუსი, ბენზემა, მოდრიჩი, კროოსი. ამ ფეხბურთელების სიის ჩამოთვლა ნამდვილად შორს წაგვიყვანს.“