ესპანური გამოცემების ცნობით, 2022 წლის იანვრიდან მადრიდის „რეალში“ სერიოზული ცვლილებები დაიწყება. ფლორენტინო პერესი უპრეცენდეტო წმენდას აპირებს და 10 ფეხბურთელის გაშვებას გეგმავს...

მადრიდში მიიჩნევენ, რომ ახალი პროექტის განსახორციელებლად პირველ რიგში მოთამაშეების გაშვებაა საჭირო.

უკვე დადასტურებით შეიძლება ითქვას, რომ „ბლანკოსის“ შემადგენლობაში ვეღარ ვიხილავთ ისკო ალარკონს, მარსელო ვიეირას და გარეთ ბეილს. გარდა ამისა, ანჩელოტის ახალი ფორმაციის „რეალში“ აღარ იქნებიან ხესუს ვალიეხოს, დანი სებალიოსი, მარიანო დიასი, ანდრეი ლუნინი (იჯარით წავა), ბორხა მაიორალი (სრული კონტრაქტის გამოსყიდვით წავა), ალვარო ოდრიოზოლა და იოვიჩი-აზარის დუეტიდან ერთ-ერთი.

ყველა ზემოხსენებული მოთამაშე, „ბლანკოსში“ შესაძლებლობებს წურავს, სწორედ ამიტომ მადრიდში მიიჩნევენ, რომ გუნდში არ უნდა დარჩეს არცერთი შეგირდი, რომელსაც სარგებელი არ მოაქვს.

სამწუხაროდ, რამდენიმე ფეხბურთელის სანაცვლოდ „რეალის“ ბიუჯეტი ვერ შეივსება, ვინაიდან კონტრაქტებს ვადა ეწურება, თუმცა არსებობენ მოთამაშეები, რომელთა გაყიდვითაც პერესი გარკვეულ შემოსავალს დააფიქსირებს.

10 ფეხბურთელის წასვლით გამოწვეულ დანაკლისს „მერენგები“ დაახლოებით 6 ფეხბურთელის შეძენითა და კასტილილიელი მოთამაშეების მთავარ გუნდში დაწინაურებით აპირებენ.