სამეფო კლუბის აკადემიაში არა ერთი ნიჭიერი ფეხბურთელი ირიცხება.

ოთხშაბათს, „შერიფისა“ და „რეალ მადრიდ ხუვენილ ა“-ს შორის გამართულ მატჩში (0-1), ახალგაზრდულ ჩემპიონთა ლიგაზე ალვარო დანიელ როდრიგესის დებიუტი შედგა. 1,92 მ. სიმაღლის ვინგერი, შეხვედრის მიმდინარეობაში 46-ე წუთზე ჩაერთო და საერთო ჯამში საკმაოდ კარგი შთაბეჭდილება დატოვა.

ურუგვაელი ფეხბურთელი 2020 წლის ზაფხულში გადაბარგდა „ბლანკოსში,“ ხოლო მანამდე 5 სეზონის განმავლობაში „ჟირონაში“ ირიცხებოდა. 16 წლის სახმრეთ ამერიკელის პროგრესი მეტად თვალსაჩინოა და შესაბამისად, შორს არ არის ის დღე, როდესაც მას რაულის განკარგულებაში უხმობენ.

მიუხედავად აღნაგობისა, როდრიგესი გამოირჩევა მოქნილობით, სისწრაფითა და დრიბლინგით. მას ასევე აქვს გოლის გატანის შესაშნავი ალღო. წარმატებით შეუძლია თამაში როგორც ფრთაზე, ასევე ფორვარდის პოზიციაზე.

გთავაზობთ, რამდენიმეწამიან ვიდეოს, სადაც ნათლად ჩანს ფეხბურთელის შესაძლებლობები: