„შერიფთან“ შეხვედრის 65-ე წუთზე, ავსტრიელმა ფეხბურთელმა ცვლილება მოითხოვა. მის ნაცვლად მატჩის მიმდინარეობაში ნაჩო ფერნანდესი ჩაერთო.

ესპანური მედიის ერთ-ერთი ვერსიით, ალაბამ მუხლზე დაზიანება ჯერ კიდევ პირველ ტაიმში, მსაჯის სასტარტო სასტვენიდან 11 წუთში მიიღო. „რეალის“ მოთამაშემ ადამე ტრაორესთან ორთაბრძოლის შემდეგ იგრძნო გარკვეული დისკომფორტი, თუმცა თამაში გააგრძელა.

უკვე მეორე ტაიმში გასახდელიდან დაბრუნებულ ალაბას, მარცხენა ფეხზე სპეციალური სახვევი ჰქონდა გადაკრული, რომელმაც, ფაქტია, არ უშველა.

შეგახსენებთ, რომ გუნდის ახალწვეული პარასკევს გაივლის სამედიცინო შემოწმებას.