საფრანგეთის ფეხბურთის ფედერაციის პრეზიდენტმა ნოელ ლე გრემ, ვერსალის სასამართლოს მიერ გამოტანილი ვერდიქტი ბენზემას დამნაშავედ ცნობასთან დაკავშირებით, Le Équipe-თან შეაფასა.

„ვერ გეტყვით, რას გადაწყვეტს კარიმი და მისი ადვოკატი გასაჩივრების თაობაზე, მაგრამ დარწმუნებით შემიძლია გითხრათ, რომ ფეხბურთელის ეროვნული გუნდიდან მოკვეთა არ განიხილება.“

„თუ მოთამაშე უარს იტყვის აპელაციაზე, ჩვენთვის არაფერი იცვლება. ყველას აქვს მუშაობის უფლება. შეიძლება რამე შეგეშალოს, მიიღო შესაბამისი სასჯელი და გააგრძელო საქმის კეთება.“

„მოხარული ვარ ბენზემას ნაყოფიერი თამაშით. არანაირი სამართლებრივი საფუძველი არ არსებობს, რომ ფედერაციამ თვეების წინ მიღებული გადწყვეტილება შეცვალოს. დეშამი კარიმს მატჩების წინ უხმობს, შესაბამისად, ჩვენ მხარდაჭერას ვუცხადებთ მას.“

DC