ფრანგი ფეხბურთელი შესანიშნავ სეზონს ატარებს, რომლის წყალობითაც არა ერთი ახალი გამოწვევის წინაშე დგას.

ჩემპიონთა ლიგის მომავალი დაპირისპირება „შერიფის“ წინააღმდეგ, კარიმ ბენზემასათვის 128-ე იქნება აღნიშნულ ტურნირზე. „ცხრიანი“ ევროპის ყველაზე პრესტიჟულ საკლუბო გათამაშებაზე 63 შედეგიან დარტყმას მოითვლის და მხოლოდ 3-ით ჩამორჩება ლეგენდარულ რაულს, რომელსაც აღნიშნული შედეგის დასაფიქსირებლად 130 პაექრობა დასჭირდა.

„ელ კაპიტანოს“ უკან მოტოვების შემდეგ, კარიმ ბენზემას წინ მხოლოდ კრიშტიანუ რონალდუ იდგება. ამ უკანასკნელმა „რეალის“ მაისურით 105 გოლი შეაგდო ჩ/ლიგის მასშტაბით.