სამეფო კლუბის უკანახაზელები ნაყოფიერად მოქმედებენ შეტევაშიც.

„გრანადას“ წინააღმდეგ გამართულ მატჩში, მეტოქის კარის აღება ნაჩომ და მენდიმ მოახერხეს. მიმდინარე სეზონში პრიმერა დივიზიონის მასშტაბით, „რეალის“ 36 შედეგიანი დარტყმიდან, 6 სწორედ მცველების ანგარიშზეა. ფერნანდესი, ბენზემას (10), ვინისიუსისა (8) და ასენსიოს (4) შემდეგ, შემადგენლობის მეოთხე ბომბარდირად ითვლება 2 ბურთით, ხოლო ალაბა, კარვახალი, ვასკესი და მენდი თითო-თითო გოლს მოითვლიან.

აღსანიშნავია, რომ ამ კუთხით განასაკუთრებული გამოდგა შარშანდელი სათამაშო წელი, ვინაიდან შემადგენლობის მეორე მთავარი მეგოლის სტატუსი სერხიო რამოსმა მოირგო (11).

as