უკვე ცნობილია, რომ ფედერიკო ვალვერდე ტირასპოლის „შერიფის“ წინააღმდეგ მადრიდის „რეალს“ ვერ დაეხმარება. იტალიელმა სპეციალისტმა აღნიშნული გადაწყვეტილება ექიმებთან კონსულტაციის შემდეგ მიიღო...

კარლოს სურს, რომ ურუგვაელი ნახევარმცველი 100%-ით იყოს მზად. მედიკოსთა ვარაუდით, ვალვერდეს „სევილიასთან“ დაპირისპირებაში 30-45 წუთის მოედანზე გატარების უფლება მიეცემა.

ანჩელოტი ფედეს ლოპეტეგის გუნდის წინააღმდეგ უკვე გამოიყენებს, მანამდე კი სრულფასოვანი დატვირთვის მიღება ლუკა მოდრიჩს მოუწევს.

„ბლანკოსის“ დამრიგებელი „შერიფთან“ კროოსისა და მოდრიჩის რესურსის დაზოგვას მეორე ტაიმში შეეცდება, მას ჰყავს კამავინგა და ისკო. საჭიროების შემთხვევაში კი მოედნის ცენტრში ასენსიოსაც გამოიყენებს და ფლანგს როდრიგოს დაუთმობს.