ლუკა იოვიჩი „ნიუქასლის“ რადარზე იყო და თავის მხრივ, ფლორენტინო პერესსაც არაფერი ჰქონდა საწინააღმდეგო, თუმცა როგორც სჩანს, „კაჭკაჭებმა“ გეგმები შეცვალეს.

ახლა პრემიერლიგის უმდიდრესი კლუბის რადარზე დუშან ვლაჰოვიჩი გამოჩნდა, რომლის სანაცვლოდაც 80 მილიონი ევრო მზადდება. ვლაჰოვიჩი რამდენიმე გუნდის რადარზეა, მათ შორის მანჩესტერ „სიტის“, რომელიც ტოპ კლასის ფორვარდს ეძებს.

ვლაჰოვიჩმა ბოლო წლებში არნახული პროგრესი აჩვენა და „რეალის“ ყურადღებაც მიიპყრო, თუმცა ფლორენტინო პერესი თამაშს მალევე გამოეთიშა.

როგორც სჩანს, იოვიჩისთვის ბრძოლაში „მილანი“ უკვე უკონკურენტო ხდება და სერბი სწორედ „როსონერის“ მიაშურებს.