ანჩელოტი:„კროოსს და მოდრიჩს ჩემი მითითებები არ სჭირდებათ“
კარლო ანჩელოტიმ „გრანადასთან“ დაპირისპირების შემდეგ პრესკონფერენცია გამართა...
„სანაკრებო პაუზის შემდეგ დავბრუნდით და დამაჯერებელი გამარჯვება მოვიპოვეთ. „გრანადა“ საკმაოდ კარგი გუნდია, რომელიც საშინაო არენაზე სტაბილურად გამოდის. ჩვენ პირველივე ტაიმში ეფექტურად დავიწყეთ და დამსახურებული 3 ქულა ჩავიწერეთ აქტივში. მცირე ჩავარდნები გვქონდა, თუმცა საერთო ჯამში შეუძლებელია უკმაყოფილო ვიყო.“
„მსაჯის გადაწყვეტილებების შეფასებას არ ვაპირებ. დიახ, მასპინძლები წითელი ბარათით უკმაყოფილები იყვნენ, მაგრამ ფაქტია, რომ საქმე მძიმე უხეშობასთან გვქონდა. დანამდვილებით შეიძლება ითქვას, რომ მონჩუს გაგდებას ანგარიშზე ზეგავლენა არ მოუხდენია.“
„ედერ მილიტაო დავასვენე, მას პრობლემები არ აქვს, მაგრამ საკმაოდ დიდი დატვირთვა ჰქონდა მიღებული. ნაჩეტემ ბრაზილიელი ფეხბურთელის შეცვლა ბრწყინვალედ შეძლო და მეტოქის კარიც აიღო.“
„მარკომ კიდევ ერთხელ გვიჩვენა საკუთარი კლასი და ხარისხი. ის ყოველთვის მაქსიმალურად ცდილობს დავალებების სრულფასოვნად შესრულებას. ესპანელი ითვალისწინებს არსებულ კონკურენციას, რაც ძალიან მნიშვნელოვანია.“
„ზიდანი მანჩესტერ „იუნაიტედში“? არაფერი მსმენია, თუ ფრანგი კარიერას პრემიერლიგაში განაგრძობს, მე მას მივულოცავ და წარმატებებს ვუსურვებ, ის შესანიშნავი სპეციალისტია.“
„თქვენ ცვლით, რომ ცვლილებები დავაგვიანე? მე ვფიქრობ, რომ არა! შანსი ბევრ ფეხბურთელს მივეცი და რამდენიმე ლიდერმა 15 წუთით დაისვენა.“
„ზოგიერთი კომპონენტი მომეწონა, ზოგიც არა. რამდენიმე ფეხბურთელს შედარებით დაღლილობა ეტყობოდა და მომდევნო მატჩებში დასვენების საშუალებას მივცემ, ისე როგორც დღეს ედერს მივეცი. ჩვენ გვქონდა ინტენსივობა და სისწრაფე, რაც მომწონს, მაგრამ გარკვეულ მომენტებში სწორედ ამ კომპონენტში მოვიკოჭლეთ და დავისაჯეთ.“
„კროოსი და მოდრიჩი ჩემთვის მსოფლიოს საუკეთესო ნახევარმცველი არიან, მათი დონე ხომ უმაღლესია. მათ მითითებები არ სჭირდებათ, ვინაიდან აკეთებენ იმას, რაც გუნდისთვის საუკეთესოა. მოკლევადიან პერსპექტივაში მათ შემცვლელებზე არ ვფიქრობ, მაგრამ გრძელვადიან პერსპექტივაში „ბლანკოსში“ მათი ჩანაცვლება მარტივი არ იქნება. ბედნიერი ვარ, რომ კოლექტივსი ფედე, კამავინგა და ბლანკო ირიცხებიან, სამივე მოთამაშეს დიდი მომავალი აქვს.“
„ვინისიუსმა ბრწყინვალედ ითამაშა, შემდეგ კი დასვენების საშუალება მივეცი. მის წინააღმდეგ ხისტად თამაშობდნენ, ამიტომ რისკები თავიდან ავირიდე.“
„ვალიეხოს შანსი მივეცი. მიხარია, როდესაც ის მოედანზე გადის და სათამაშო წუთები ეძლევა, ის ნამდვილი პროფესიონალია და ბევრს შრომობს.“
- 21 ნოემბერი 2021
- 4 290
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
