ანტონიო რუდიგერი მადრიდის „რეალთან“ ახლოს არის. სწორედ მადრიდული გუნდია ერთ-ერთი მთავარი მიზეზი იმისა, რატომაც გერმანელი ფეხბურთელი არისტოკრატებთან კონტრაქტს არ ახანგრძლივებს..

გარდა ამისა არის მეორე კომპონენტიც, რომელიც უესლი ფოფანას ეხება. იმ შემთხვევაში, თუ რუდიგერი მადრიდისტა გახდება, ტუხელი არჩევანს სწორედ ფოფანაზე გააკეთებს, მაგრამ საქმე იმაშია, რომ „ლესტერის“ მცველის ირგვლივაც ქაოსია და მის დამატებას ასევე ცდილობს ფლორენტინო პერესი.

კიდევ ერთი პრობლემა რის ჯეიმსია, რომელიც საუკეთესო სეზონს ატარებს და ლონდონური კლუბის შეუცვლელ წევრად იქცა. ახალგაზრდა ინგლისელს მადრიდში დანი კარვახალის შემცვლელად განიხილავენ და სატრანსფერო მოლაპარაკებების დაწყებას გეგმავენ.

„რეალი“ „ჩელსის“ აშკარად პრობლემებს უქმნის, რაც „არისტოკრატების“ მხრიდან უკმაყოფილებას იწვევს.