„ლაციოს“ ნახევარმცველი, სერგეი მილინკოვიჩ-სავიჩი, რომელიც „რეალის“ რადარზე პირველად 2018 წელს გამოჩნდა, „ბლანკოსს“ ისევ აინტერესებს...

ესპანური და იტალიური გამოცემების ცნობით, სავიჩს რომიდან აბარგება სურს, მისი რეალური მსურველი კი ამ ეტაპზე ტურინის „იუვენტუსია“. ასპარეზზე რამდენჯერმე იურგენ კლოპის „ლივერპულიც“ გამოვიდა.

ფეხბურთელის აგენტი, ექს ფეხბურთელი მატეა კეჟმანი აცხადებს, რომ „ბებერი ქალბატონი“ კვლავ დიდი კლუბია, მაგრამ სერგეისთვის სხვა ვარიანტებიც განიხილება.

თავად ფეხბურთელის მამამ 2018 წელს განაცხადა, რომ „ლაციოდან“ წასვლის შემთხვევაში, ის კარიერას სერია „ა“-ში აღარ გააგრძელებდა.

„ას“-ის ცნობით, მილინკოვიჩ-სავიჩი „რეალს“ არ დავიწყებია და ფეხბურთელის დამატება კარლო ანჩელოტისაც სურს, თუმცა ის უმთავრესი პრიორიტეტი არ არის.

ვნახოთ, როგორ განვითარდება მოვლენები საკმაოდ ნიჭიერ ფეხბურთელთან დაკავშირებით, რომელსაც „ლაციოში“ თამაში აღარ სურს.