გერმანული „Bild“-ის ცნობით, მადრიდის „რეალი“ ერლინგ ჰოლანდის საოცნებო დანიშნულების ადგილია, მაგრამ მხარეებს ფინანსურ საკითხებთან დაკავშირებით სერიოზული მოლაპარაკებების წარმოება მოუწევთ...

ნორვეგიელი ფორვარდი ხვდება, რომ კარიმ ბენზემას მადრიდული კარიერა ეტაპობრივად მიუახლოვდება დასასრულს და „ბლანკოსს“ მისი რეალური შემცვლელი დასჭირდება.

გარდა ამისა, „რეალში“ თამაში თავად ფეხბურთელის ოცნებაა, რასაც სხვა გარემოებებიც უწყობს ხელს.

მოთამაშის აგენტი, მინო რაიოლა ყოველთვის ბევრს ითხოვს და საკუთარ კლიენტებსაც მოუწოდებს ასტრონომიული ხელფასის მოთხოვნისკენ.

არაერთი გამოცემის ცნობით, ჰოლანდს 30 მილიონამდე სურს წლიურად, რაც „რეალისთვის“ აბსურდია. თუ მოთამაშეს მადრიდელობა აქვს გადაწყვეტილი, გონივრულ ხელფასზე უნდა განაცხადოს თანხმობა.

30 მილიონი არის ის თანხა, რომლის გადახდასაც მხოლოდ „სიტი“, „პსჟ“ და „ნიუქასლი“ შეძლებენ, მაგრამ უნდა თუ არა ნორვეგიელ თავდამსხმელს აღნიშნულ გუნდებში თამაში მეორე საკითხია.

ჰოლანდს აქვს შანსი „ახალ ბერნაბეუზე“, „ახალი გალაქტიკოს“ შექმნაში მიიღოს მონაწილეობა და ბენზემას ღირსეული შემცვლელი გახდეს. ის ძალიან ახალგაზრდაა და საკმაოდ დიდ შანსს ფლობს იმისა, რომ მინიმუმ 10 წლის მანძილზე „ბლანკოსის“ მთავარი დამრტყმელი ძალის სტატუსი მიიღოს.