მაურისიო პოჩეტინოს განცხადებით, „პსჟ“-ს განკარგულებაში მსოფლიოს საუკეთესო თავდასხმაა და გუნდში სრული ჰარმონია სუფევს...

„მბაპე მესისთან და ნეიმართან ძალიან ბედნიერია. კლუბმა არნახული ფინანსური რესურსი გაიღო იმისათვის, რომ საუკეთესო კოლექტივი შეეკრებინა. ამ მოთამაშეების შეფასება სხვაგვარად უნდა მოხდეს. მათი კლასი შესაძლოა გამოგვადგეს ისეთ გადამწყვეტ მომენტში, როდესაც ჩემპიონის ბედი გადაწყდება.“

„კილიანის ტრანსფერზე საუბარი ნამდვილად ზედმეტად მიმაჩნია, ახლა ხომ სეზონის შუა ნაწილიც არ არის. მთავარი მხოლოდ ის გახლავთ, რომ ფრანგი პარტნიორებს შესანიშნავად უგებს.“

მაურისიო პოჩეტინო ამ განცხადებებით მაქსიმალურად ცდილობს დაძაბულობის განმუხტვას, თუმცა კარგად მოეხსენება, რომ მბაპეს გული მადრიდს ეკუთვნის და ის საფრანგეთის ლიგაში დარჩენას აღარ აპირებს.