ფედე ვალვერდე სანაკრებო ბატალიებში არ ყოფილა ჩართული.

ახალგაზრდა ნახევარმცველი ტრავმის (რომელიც 25 ოქტომბერს, „ბარსელონას“ წინააღმდე მატჩში მიიღო), მოშუშების პროცესშია ჩართული. მან სერთაშორისო შეხვედრებით გამოწვეული პაუზა „ვალდებებასის“ ბაზაზე გაატარა.

ამ ეტაპისათვის, სამხრეთ ამერიკელი მთავარი ჯგუფისგან განცალკევებით ირჯება. შესაბამისად, ის მონაწილეობას ვერ მიიღებს „ლოს კარმენესზე“ გასამართ დაპირისპირებაში.

მიმდინარე სეზონის სტარტზე, ვალვერდე ანჩელოტის შემადგენლობის ერთ-ერთ წამყვან ფიგურად ჩამოყალიბდა. მან 12-დან 10 შემთხვევაში იასპარეზა სასტარტო შემადგენლობაში და საერთო ჯამში, 809 წუთი გაატარა მინდორზე.

ჯერ-ჯერობით უცნობია, ფედერიკოს დაბრუნების თარიღი, თუმცა იმედია, ეს მალე მოხდება, ვინაიდან, „რეალის“ კალენდარში საკმაოდ რთული დღეები იწყება.

AS