El Confidencial - პერესმა გადაწყვიტა, „რეალი“ 400 მილიონს მიიღებს
El Confidencial-ის და კიდევ რამდენიმე გამოცემის ცნობით, მადრიდის „რეალი“ სულ მალე 400 მილიონ ევროს მიიღებს...
კონკრეტულ კომპანიასა (ვინაობა არ სახელდება) და „ბლანკოსის“ ხელმძღვანელობას შორის გრანდიოზული ხელშეკრულება იდება, რომელიც 400 მილიონიან სარგებელს მოუტანს სამეფო კლუბს.
საქმე ეხება სანტიაგო ბერნაბეუს გამოყენების უფლების დათმობას გარკვეული დროის განმავლობაში, თუმცა მხოლოდ არასათამაშო დღეებში.
ჯერ-ჯერობით დაუდასტურებელი ინფორმაციით, კომპანია 7-იდან 10 წლამდე ვადით მიიღებს ექსკლუზივის უფლებას.
პერესი თანახმაა პარტნიორს ახალი, მოდერნიზებული არენა დაუთმოს, რომელიც მოდების შოუს და სხვადასხვა ღონისძიების მოწყობას შეძლებს.
ფლორენტინო მიიჩნევს, რომ ამ ნაბიჯით „რეალის“ ბიუჯეტი კიდევ უფრო დიდ სარგებელს მიიღებს, ვიდრე 400 მილიონია, ვინაიდან ვიზიტორები აუცილებლად დაინტერესდებიან „ბლანკოსის“ განახლებული მუზეუმის და სხვა ინფრასტრუქტურის მონახულებით, რაც დამატებით შემოსავალთან არის დაკავშირებული.
„ბლანკოსი“ თითო სეზონში, ყველა ტურნირზე, საშინაო არენაზე 30 მატჩზე მეტს ვერცერთ შემთხვევაში ვერ ატარებს, აქედან გამომდინარე, სტადიონს აქვს იმის რესურსი, რომ სხვა ღონისძიებების მასპინძლობა „რეალისთვის“ ხელისშეშლის გარეშე უმასპინძლოს.
El Confidencial-ის ცნობით, შეთანხმება ოფიციალურად მალე დაიხურება და „ბლანკოსის“ ანგარიშზე ზემოაღნიშნული თანხა ჩაირიცხება, რაც ფლორენტინო პერესს სატრანსფერზე ბაზარზე კიდევ უფრო გამბედავს გახდის.
- 17 ნოემბერი 2021
- 1 272
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
