სამეფო კლუბიდან წასვლის შემდეგ, ლეგენდარული ზინედინ ზიდანი უქმე დღეებით ტკბება.

ამ ეტაპისათვის, უმუშევარ მწვრთნელს „მანჩესტერ იუნაიტედი“ ეპატიჟება, სადაც ოლე გუნარ სულშერის მოღვაწეობით უკმაყოფილონი არიან. ერთი შეხედვით, ფრანგი სპეციალისტისთვის მისაღები უნდა იყოს „წითელი ეშმაკების“ წინადადება. მას ინგლისელთა შემადგენლობაში ისეთი, კარგად ნაცნობი მოთამაშეები დახვდებიან, როგორებიც არიან: პოლ პოგბა, რაფაელ ვარანი, კრიშტიანუ რონალდუ და ა.შ.

Daily Record-ის ინფორმაციით, ზიზუს საკმაოდ ხიბლავს ნისლიან ალბიონზე კარიერის გაგრძელების შესაძლებლობა, თუმცა მას მეუღლის ფაქტორი აყოვნებს. ვერონიკა ფერნანდესს მანჩესტერში გადაბარგება და აღნიშნულ ქალაქში ცხოვრების გაგრძელება დიდად არ ხიბლავს.

DC