ფინეთთან შეხვედრამ კიდევ უფრო ცხადყო, რომ ბენზემასა და მბაპეს შორის დიდებული ურთიერთგაგება სუფევს.

ჰელსინკში გამართულ მატჩში (0-2), კილიან და კარიმმა შედეგიანი დარტყმებით გამოიჩინეს თავი და საგულსიხმოა, რომ სეზონის მოცემულ ნაწილში, მათი ტანდემი, როგორც საკლუბო, ასევე სანაკრებო დონეზე, 57 გოლში ითვლის მონაწილეობას.

ბენზემას აქტივში 19 გოლი (5 ნაკრებში) და 9 ასისტია (1 ნაკრებში), ხოლო მბაპეს ანგარიშზე 14 ბურთი (7 ნაკრებში) და 15 გადაცემა (4 ნაკრებში). ევროპის მასშტაბით, მათზე უკეთესი მაჩვენებელი არავის აქვს, ხოლო შედარებით მიახლოვებულით, ლევანდოვსკი-სანეს წყვილი იწონებს თავს - მონაწილეობა 46 გოლში.

ალბათ, რთული წარმოსადგენი არ იქნება, თუ როგორ გაძლიერებას მიიღებს „რეალი“ წინა ხაზი, როდესაც ახალგაზრდა ფრანგი მადრიდში გადაბარგდება. ამასთანავე არ უნდა დაგვავიწყდეს ვინიუსიც ფაქტორიც, რომელიც უკვე 9 გოლი და 5 ასისტი დაუგროვდა.

ახალი სეზონიდან „რეალის“ შემტევი ტრიო შიშის ზარს დასცემს მეტოქეებს.