ბრაჰიმ დიასი 2022 წლის ზაფხულში მადრიდის „რეალში“ დაბრუნების პერსპექტივას არ განიხილავს. ფეხბურთელს „მილანში“ დარჩენა მინიმუმ 2023 წლის ზაფხულამდე სურს...

მიზეზი მარტივია - ესპანეთის ნაკრებში მოხვედრა და ყატარში თამაში. დიასი ლუის ენრიკეს კოლექტივში უკვე ხშირად ხვდება, რაც „მილანში“ ნაჩვენები შედეგის დამსახურებაა.

დიასმა იცის, რომ „ბლანკოსში“ დაბრუნების შემთხვევაში, მისი სათამაშო დრო მნიშვნელოვნად შემცირდება და „ფურია როხაში“ მოხვედრის შანსს ფაქტობრივად დახარჯავს.

ახალგაზრდა წინახაზელი „როსონერის“ რიგებში ბედნიერია და საკუთარ მომავალს სწორედ სერია „ა“-ში ხედავს.

ჯერ-ჯერობით უცნობია, რას ფიქრობს აღნიშნულ საკითხთან დაკავშირებით კარლო ანჩელოტი.