ფლორენტინო პერესის ოცნებაა, რომ „სანტიაგო ბერნაბეუს“ პუბლიკას ბენზემასა და მბაპეს ტანდემი წარუდგინოს.

საფრანგეთის ეროვნულ გუნდში დაბრუნების შემდეგ, კარიმსა და კილიანს შორის დიდებული ურთიერთობა ჩამოყალიბდა, როგორც გასახდელში, ასევე მწვანე მინდორზე. მათი პარტნიორობა უკვე 10 მატჩსა და 900-ზე წუთზე მეტს მოითვლის. ამ პერიოდის განმავლობაში, ახალგაზრდა და ვეტერანი მოთამაშის დუეტს 15 გოლი და 7 ასისტი დაუგროვდა. უფრო კონკრეტულად, აღნიშნული წყვილი ყოველ 60 წუთში იჩენს თავს ზუსტი დარტყმით, რაც დიდებული მაჩვენებელია.

ეჭვსგარეშეა, რომ მბაპეს გამადრიდელების შემთხვევაში, „რეალის“ შედეგიანობა მნიშვნელოვნად გაიზრდება.

DC