ლეგენდარული ჩავის „ბარსელონას“ მთავარი მწვრთნელის პოსტზე დანიშვნის შემდეგ, კლუბმა 38 წლის დანი ალვეშის დაბრუნების შესახებ განაცხადა.

ვეტერანმა ფეხბურთელმა უკვე გაიარა შესაბამისი სამედიცინო შემოწმება და მალე, მწვანე მინდორზეც იხილავენ ადგილობრივი გულშემატკივრები.

სამეფო კლუბის ფეხბურთელებისგან, ცოტა არ იყოს მოულოდნელ ტრანსფერს, მხოლოდ მარსელო გამოეხმაურა. „რეალის“ კაპიტანმა დანის მიულოცა და წარმატებები უსურვა. ამ ეტაპისათვის, დუმილს ინარჩუნებენ შემადგენლობის სხვა ბრაზილეილი წევრები. დიდი ალბათობით, მილიტაო და ვინისიუსი პირადად არ იცნობენ თანამემულეს, რასაც ვერ ვიტყვით კაზემიროზე.

ალბათ, მეტად საინტერესო იქნება მომავალი „ელ კლასიკო,“ როდესაც ვინის შეჩერებას 17 წლით უფროსი მცველი შეეცდება.