მსოფლიოს 2022 წლის ჩემპიონატის საგზური კიდევ ორმა მადრიდისტამ მოიპოვა.

ესპანეთი 1-0 შვედეთი

სევილიაში გამართულ მატჩში, „ფურია როხამ,“ ალვარო მორატას გოლის წყალობით, მინიმალური ანგარიშით (1-0) დაამარცხა ანდერსონის შეგირდები და ყატარის საგზურიც დაიბევა. აღსანიშნავია, რომ წინა მატჩისგან განსხვავებით, დანიელ კარვახალს თავის გამოჩენის საშუალება არ მისცემია.

პორტუგალია 1-2 სერბეთი

მეტად დრამატული პაექრობა შედგა ლისაბონში, სადაც ყველასათვის მოულოდნელად, სტუმრებმა ადგილობრივებს მუნდიალისკენ მიმავალი გზა გაურთულეს. ლუკა იოივიჩი 87-ე წუთზე ჩაერთო საქმეში. სტოიკოვიჩის გუნდი ყატარში დაიცავს საკუთარი ქვეყნის ღირსებას.