უკრაინელი კიპერი ანდრეი ლუნინი უკვე დიდი ხანია ტიბო კურტუას ჩრდილქვეშ მოექცა. ფეხბურთელი სერიოზულად ფიქრობს მომავალზე და მიიჩნევს, რომ სათამაშო დროის მიღება სასიცოცხლოდ მნიშვნელოვანია...

ესპანური გამოცემების ცნობით, ახალგაზრდა მეკარის 6 თვიანი იჯარით აყვანაზე პრეტენზიას „ესპანიოლი“ და „გრანადა“ აცხადებენ. ორივე გუნდი მზად არის, ახალგაზრდა კარის დარაჯს საკმაოდ დიდი დრო განუსაზღვროს.

ლუნინი იანვარში „ბლანკოსის“ ხელმძღვანელობასთან საუბარს გეგმავს, ვინაიდან თვლის, რომ „რეალში“ მუდმივად სკამზე ჯდომა მისთვის საუკეთესო ვარიანტი ვერ იქნება.