ახალგაზრდა უკრაინელი კარის დარაჯის სიტუაცია სამეფო კლუბში არასახარბიელოა.

განვლილ სეზონში, ანდრეი ლუნინმა მხოლოდ ერთ მატჩში მიიღო მონაწილეობა („ალკოიანოს“ წინააღმდეგ (2-1), როდესაც მადრიდელები კოპა დელ რეის გამოეთიშნენ), ხოლო მიმდინარეში, მას თავის გამოჩენა, ჯერ-ჯერობით, არ მისცემია. ცხადია, აღნიშნული ლომის წვლილი მიუძღვის ტიბო კურტიას. ბელგიელი მეკარე შესანიშნავ ფორმაშია, რაც მას სტაბილურობასა და საიმედოობის მოპოვებაში ეხმარება.

თავის დროზე, მადრიდელებმა 8.5 მილიონი ევრო გადაიხადეს ლუნინის სანაცვლოდ. მაშინ, არავინ ვარაუდობდა, რომ მისი კარიერა მსგავსად განვითარდებოდა. სწორედ სათამაშო პრაქტიკის არ ქონის გამო, ანდრეი შევჩენკომ ფეხბურთელი ევროპის 2020 წლის ჩემპიონატის მიღმა დატოვა.

ლუნინის გულშემატკივრები მის გამოჩენას ჩემპიონთა ლიგის დაპირისპირებაში ელოდნენ, რომელიც „რეალმა“ კიევში, „შახტარის“ წინაარმდეგ ჩაატარა, თუმცა ამაოდ. კიპერი სიტუაცია მეტად უიმედოა და შესაბამისად, ერთადერთ გამოსავლად „სანტიაგო ბერნაბეუს“ დატოვება რჩება. მისდამი ინტერესს „ლილი,“ „გრანადა“ და „ესპანიოლი“ გამოხატავენ.

marca