მიუხედავად იმისა, რომ ედერ მილიტაო მადრიდის „რეალის“ დაცვის ლიდერად და შეუცვლელ წევრად ითვლება, ლონდონის „ჩელსი“ ბრაზილიელი ფეხბურთელისთვის ბრძოლას გეგმავს...

Le10Sport-ის და კიდევ რამდენიმე ესპანური გამოცემის ცნობით, 2022 წლის ზაფხულში, „არისტოკრატები“ მილიტაოს საკმაოდ მიმზიდველ კონტრაქტს შესთავაზებენ, სადაც მისი ხელფასიც მნიშვნელოვნად იქნება გაზრდილი.

მადრიდში არ სჯერათ, რომ ბრაზილიელი უკანახაზელი სადმე წავა და მისთვის ახალ ხელშეკრულებას ამზადებენ, სადაც ხელფასი 2 მილიონით მეტი 6.5 მლნ იქნება.

„ჩელსი“ რუდიგერის შემცვლელს უკვე აქტიურად ეძებს, გერმანელს „რეალში“ ან „ბაიერნში“ გადასვლას უწინასწარმეტყველებენ. თუ ანტონიო მადრიდს აირჩევს, „ბლანკოსის“ დაცვის ცენტრში კონკურენცია წარმოიქმნება და სწორედ ამ გარემოებით სარგებლობა სურთ „ლურჯებს“.